好好味嘅韓國忌廉芝士醬
2025年10月22號，Harry 整咗個好豐富嘅早餐：用薯仔做嘅即食麵、佢問我識唔識可以點切得靚啲嘅 frozen bagel、多士 (我揀咗烘燶咗嗰塊嚟食)、佢之前嗰日同朋友去 picnic 食淨嘅吞拿魚溝沙律醬、兩款佢問我邊款好食啲嘅梳打餅、粟米粒、即溶海帶湯、蒸餾咖啡，同牛奶。 成枱都係嘢食，但最有驚喜嘅係個 packing 好似俾狗狗食嗰隻 Cheese Moon cream cheese + bacon + scallion 醬。 我本來都唔會覺得盒醬係 for 狗狗嘅，但因為之前嗰日佢以為我喺香港帶過去嗰兩包肉乾係買俾佢嘅，後尾佢見到個狗狗 logo 先知原來係俾 Yogi 嘅，我至會因為嗰盒 spread 有大大隻狗樣所以起疑心。 盒醬有葱味，裏面又有一粒粒 (應該係煙肉)，正！ 食完，佢就去咗河邊同有啲抑鬱嘅阿根廷朋友散步，我就留喺屋企洗碗。 – 番到香港，我仲對嗰盒 spread 念念不忘，於是專登去咗幾間 supermarkets 同賣鬼佬食材嘅公司搵，但都搵佢唔到，甚至上網都見唔到佢嘅相！而喺香港俾我搵到最近磅嘅就只有都唔係太近磅嘅 M&S sour cream…
